नववर्ष अभीष्टचिंतन! (रविशंकर)

कवी मित्रहो;

" हे अभीष्टचिंतन माझे, पहिले वहिले
फुगवितां न वास्तव, जे वाटे, ते लिहिले
ऐकला, खर्‍या अनुभूतीचा हुंकार
आनंद, मनाला झाला, अपरंपार

शारदा, तुम्हाला कृपादृष्टिने पाहों
ज्योती सृजनाची, अखण्ड तेंवत राहों
लेखन, तुमच्या हांतून, असेंच घडावें
भरभरून मन, शब्दांतुन ओंसंडावें " !!!

***********

१ जानेवारी २००९.

प्रेषक दुर्गेश कदम् on Sat, 06/13/2009 - 12:57.

हृदय अजून मराठी आहे
तोडून तुटत नाहीत
या मजबूत रेशीम गाठी आहेत

पिझा, बर्गर खाल्ल्यावरही
पोट पुरणपोळीच मागतं
ईंग्रजी पुस्तकं वाचली तरी
मन मराठी चारोळीच मागतं

मात्रुभूमि सोडली की
आईपासून दूर गेल्यासारखं वाटतं
भाषा सोडली की
अस्तित्व हरवल्यासारखं वाटतं

वडाची झाडं मोठी होऊनही
परत मात्रुभूमिकडे झुकतात
कितीही दूर गेलं तरी
पाय परत मात्रुभूमिकडेच वळतात

काहीही बदललं तरी
हृदय अजून मराठी आहे
तोडून तुटत नाहीत
या मजबूत रेशीम गाठी आहे.

सध्या 0 सदस्य आणि 1 guest आलेले आहेत.